മുഹമ്മദ് സഗീര്‍ പണ്ടാരത്തില്‍
ദോഹ: 'സേവനത്തിലൂടെ പഠനം' എന്ന വിഷയത്തില്‍ ഐ.സി.ബി.എഫ് ശില്‍പശാല സംഘടിപ്പിച്ചു.കഴിഞ്ഞദിവസം ഐ.സി.സിയില്‍ വെച്ച് നടന്ന ചടങ്ങില്‍ ധാര്‍മികമൂല്യങ്ങളെക്കുറിച്ചും ജീവകാരുണ്യപ്രവര്‍ത്തനങ്ങളുടെ പ്രാധാന്യത്തെക്കുറിച്ചും കൈനാട്ട് ഫൗണ്ടേഷന്‍ ചെയര്‍മാന്‍ ഷക്കീല്‍ അഹമദ് കാക്‌വി സംസാരിച്ചു.
വിദ്യാര്‍ഥികളുടെ പങ്കാളിത്തത്തോടെയുള്ള സാമൂഹിക സേവന പരിപാടിക്ക് തുടക്കമിട്ടു. ഖത്തറിലെ ആറ് ഇന്ത്യന്‍ സ്‌കൂളുകളില്‍ നിന്നായി 175 വിദ്യാര്‍ഥികളാണ് പരിപാടിയുമായി സഹകരിക്കുന്നത്.പ്രവാസി ഇന്ത്യക്കാര്‍ക്കിടയില്‍ ഐ.സി.ബി.എഫ് നടത്തുന്ന വിവിധ സേവന പ്രവര്‍ത്തനങ്ങളില്‍ വിദ്യാര്‍ഥികളായ വളണ്ടിയര്‍മാരുടെയും പങ്കാളിത്തം ഉറപ്പാക്കുന്നതാണ് പരിപാടി. ഇതിന്റെ ഭാഗമായി തുടര്‍ന്ന് വിവിധ കളികളും ഐ.സി.ബി.എഫിന്റെ പ്രവര്‍ത്തനങ്ങളെക്കുറിച്ച് സ്‌കിറ്റ് അവതരണവും ഉണ്ടായിരുന്നു.
ഇന്ത്യന്‍ എംബസി സെക്കന്റ് സെക്രട്ടറി അനില്‍ നോട്യാല്‍ വിദ്യാര്‍ഥികള്‍ക്ക് വളണ്ടിയര്‍ ബാഡ്ജുകള്‍ വിതരണം ചെയ്തു.ആശുപത്രി സന്ദര്‍ശനം, തൊഴിലാളികള്‍ക്കായുള്ള മെഡിക്കല്‍ ക്യാമ്പ്, ഹെല്‍പ് ഡെസ്‌ക് തുടങ്ങി ഐ.സി.ബി.എഫ് സംഘടിപ്പിക്കുന്ന വിവിധ പ്രവര്‍ത്തനങ്ങളില്‍ വരുന്ന ഒരു വര്‍ഷത്തേക്കാണ്‌ ഈ വിദ്യാര്‍ഥി വളണ്ടിയര്‍മാരുടെ സേവനം പ്രയോജനപ്പെടുത്തുക.
എം.ഇ.എസ് ഇന്ത്യന്‍ സ്‌കൂള്‍ , ഐഡിയല്‍ ഇന്ത്യന്‍ സ്‌കൂള്‍ , ബിര്‍ള പബ്ലിക് സ്‌ക്കൂള്‍ , ഡി.പി.എസ് മോഡേണ്‍ ഇന്ത്യന്‍ സ്‌കൂള്‍ , ദോഹ മോഡേണ്‍ ഇന്ത്യന്‍ സ്‌കൂള്‍ , ശാന്തിനികേതന്‍ ഇന്ത്യന്‍ സ്‌കൂള്‍ എന്നിവിടങ്ങളിലെ എട്ട്, ഒമ്പത് ക്ലാസ് വിദ്യാര്‍ഥികളാണ് ശില്‍പശാലയില്‍ പങ്കെടുത്തത്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
താങ്കളുടെ അഭിപ്രായത്തിന് നന്ദി
താങ്കളുടെ അഭിപ്രായം അനുയോജ്യമായത് ആണെങ്കില്‍ ഉടനെ പ്രസിദ്ധീകരിക്കുന്നതാണ്.