മുഹമ്മദ് സഗീര്‍ പണ്ടാരത്തില്‍
ദോഹ : സ്തനാര്‍ബുദം നേരത്തെ കണ്ടെത്താനും രോഗം വ്യാപിക്കുന്നത് തടയാനും സഹായിക്കുന്നതുമായ ഉപകരണവുമായി ഖത്തരി ശാസ്ത്രജ്ഞന്‍ രംഗത്ത്. നാനോ റോബോട്ടിക് ഉപകരണം ഡോ. മആനാണ്‌ വികസിപ്പിച്ചെടുത്തത്. ഈ കണ്ടുപിടുത്തത്തിനായി അദ്ദേഹത്തിന്‌ അമേരിക്കയിലെ പേറ്റന്റ്, കോപ്പിറൈറ്റ്, ട്രേഡ്മാര്‍ക്ക് കോണ്‍ഗ്രസ് ലൈബ്രറി ഓഫീസിന്റെ പേറ്റന്റ് എന്നിവ ലഭിച്ചുകഴിഞ്ഞു.
ഖത്തര്‍ നാഷനല്‍ ക്യാന്‍സര്‍ സൊസൈറ്റി ചെയര്‍മാനായ ഡോ. മആന്‍ ,അമേരിക്കയിലെ ലേസര്‍ പ്ലാസ്മ ലബോറട്ടറിയുടെ തലവന്‍ ഡോ. മാര്‍ട്ടിന്‍ റിച്ചാര്‍ഡ്‌സണ്‍ അടക്കമുള്ള ശാസ്ത്രജ്ഞരാണ് ഇദ്ദേഹത്തോടൊപ്പം പ്രവര്‍ത്തിക്കുന്നത്. ഈ സംഘത്തോടൊപ്പം പ്രവര്‍ത്തിക്കാന്‍ ജര്‍മനി, കാനഡ, സൗദി അറേബ്യ, അമേരിക്ക എന്നിവിടങ്ങളില്‍ നിന്നുള്ള കമ്പനികളും സ്ഥാപനങ്ങളും താല്‍പര്യം പ്രകടിപ്പിച്ചിട്ടുണ്ട്.നാസയുടെ ഹെല്‍ത്ത് കണ്‍സള്‍ട്ടന്റ് കൂടിയായ ഡോ. മആന്‍ ,ന്യൂറോഫാര്‍മക്കോളജിയില്‍ ബിരുദാനന്തരബിരുദവും ഫിസിക്‌സില്‍ ഡോക്ടറേറ്റും നേടിയ ശേഷം ന്യൂക്ലിയര്‍ ഗവേഷകനായി 1982 മുതല്‍ അമേരിക്കയിലാണ്‌ താമസം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
താങ്കളുടെ അഭിപ്രായത്തിന് നന്ദി
താങ്കളുടെ അഭിപ്രായം അനുയോജ്യമായത് ആണെങ്കില്‍ ഉടനെ പ്രസിദ്ധീകരിക്കുന്നതാണ്.