തൃശൂര്‍: രാജ്യത്തിന് കോടിക്കണക്കിനു രൂപയുടെ വിദേശനാണ്യം നേടിത്തരുന്ന പ്രവാസികള്‍ അവധിക്കു വന്ന് 60 ദിവസത്തിലേറെ തങ്ങിയാല്‍ അവരുടെ നിക്ഷേപത്തിനും വരുമാനത്തിനും ആദായനികുതിയടക്കമുള്ളവ കൊടുക്കാന്‍ ബാധ്യസ്ഥരാക്കുന്ന കേന്ദ്രസര്‍ക്കാരിന്റെ പ്രവാസി പ്രത്യക്ഷനികുതി നിയമം പിന്‍വലിക്കണമെന്ന് കേരള പ്രവാസി സംഘം ആവശ്യപ്പെട്ടു.
അല്ലെങ്കില്‍ ശക്തമായ സമരപരിപാടികളുമായി രംഗത്തുവരാന്‍ പ്രവാസി സംഘം കേന്ദ്രകമ്മിറ്റിയോഗം തീരുമാനിച്ചു.
യോഗത്തില്‍ കേരള പ്രവാസി സംഘം കേന്ദ്രകമ്മിറ്റി പ്രസിഡന്റ് പി.ടി. കുഞ്ഞുമുഹമ്മദ് അധ്യക്ഷനായിരുന്നു. ജനറല്‍ സെക്രട്ടറി പയ്യോളി നാരായണന്‍, കെ.വി. അബ്ദുള്‍ ഖാദര്‍ എംഎല്‍എ, പി. സെയ്താലിക്കുട്ടി, ആര്‍. ശ്രീകൃഷ്ണപിള്ള, എ.സി. ആനന്ദന്‍, എം.സി. അബു, പി.കെ. അബ്ദുള്ള തുടങ്ങിയവര്‍ സംബന്ധിച്ചു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
താങ്കളുടെ അഭിപ്രായത്തിന് നന്ദി
താങ്കളുടെ അഭിപ്രായം അനുയോജ്യമായത് ആണെങ്കില്‍ ഉടനെ പ്രസിദ്ധീകരിക്കുന്നതാണ്.