സനോജ് 66490337
കുവൈറ്റ്‌: തൃശൂര്‍ അസ്സോസ്സിയേഷന്‍ ഓഫ് കുവൈറ്റ്‌ മലയാളികളുടെ വസന്തോത്സവമായ ഓണവും , ബലിപെരുന്നാളും (ഈദ്‌ - അല്‍ അദ്ഹ ) ഒരുമിച്ചു ആഘോഷിക്കുന്നു. തഥവസരത്തില്‍ വിവിധയിനം കലാപരിപാടികളോടൊപ്പം വിപുലമായ പാരമ്പര്യ രീതിയിലുള്ള ഓണ സദ്യയും ഉണ്ടായിരിക്കുന്നതാണ്. 2010 നവംബര്‍ 16 ചൊവ്വാഴ്ച മൈദാന്‍ ഹവല്ലിയിലുള്ള അമേരിക്കന്‍ ഇന്റര്‍ നാഷണല്‍ സ്കൂള്‍ ആഡിറ്റൊറിയത്തില്‍ വെച്ച് നടത്തപെടുന്ന ഈ കലാ വിരുന്ന് രാവിലെ 10 മണി മുതല്‍ വൈകുന്നേരം 5.30 വരെ ഉണ്ടായിരിക്കുമെന്ന് അസ്സോസ്സിയേഷന്‍ മീഡിയ വിഭാകം അബ്ബാസിയ റിഥം ഹാളില്‍ സംഘടിപ്പിച്ച പത്ര സമ്മേളനത്തില്‍ അസ്സോസ്സിയേഷന്റെ ഭാരവാഹികള്‍ പ്രസ്താവിച്ചു. ഈ സുദിനത്തിന്റെ മുഖ്യ അതിഥിയായി പങ്കെടുക്കുന്നത് കുവൈറ്റിലെ ഇന്ത്യന്‍ അംബാസിഡര്‍ ബഹുമാനപെട്ട ശ്രീ അജയ് മല്‍ഹോത്രയാണ്. രാവിലെ മുതല്‍ വൈകീട്ട് വരെ നീണ്ടു നില്‍ക്കുന്ന സംഗീത കലാവിരുന്ന് പ്രസിദ്ധ പിന്നണി ഗായകരായ മിസ്സ് സിസലി അബ്രഹാം , സാലിഷ് ശ്യാം , മിഥുന്‍ പയ്യോളി , മിസ്സ് സൈറാ സലിം എന്നിവരെ ശ്രീ സജീഷ് കുട്ടെനല്ലൂര്‍ നയിക്കും . പാരമ്പര്യ ഓണാഘോഷത്തിന്റെ ഭാഗങ്ങളായ ചെണ്ടമേളം, പുലിക്കളി, തെയ്യം മുതലായ കലാരൂപങ്ങളും ഈ ദിവസത്തിന്റെ ആഘോഷങ്ങള്‍ക്ക് നിറപകിട്ടേകും.
.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
താങ്കളുടെ അഭിപ്രായത്തിന് നന്ദി
താങ്കളുടെ അഭിപ്രായം അനുയോജ്യമായത് ആണെങ്കില്‍ ഉടനെ പ്രസിദ്ധീകരിക്കുന്നതാണ്.