ചാവക്കാട്: വിസ്മയക്കാഴ്ചയൊരുക്കി ചാവക്കാട് വിശ്വനാഥ ക്ഷേത്രോത്സവം ആഘോഷിച്ചു. തന്ത്രി തിലകന്‍, മേല്‍ശാന്തി ശിവാനന്ദന്‍, ഷിജില്‍ വൈശാഖ്, അജീഷ്, ഷാജി, പത്മദാസ് എന്നിവര്‍ കാര്‍മ്മികത്വം വഹിച്ചു. 2.30ന് ക്ഷേത്രംവക എഴുന്നള്ളിപ്പ് ആരംഭിച്ചു. 4 മുതല്‍ വിവിധ കരകളില്‍ നിന്ന് എഴുന്നള്ളിപ്പുകള്‍ ആരംഭിച്ചു. തുടര്‍ന്ന് നടന്ന കൂട്ടിയെഴുന്നള്ളിപ്പില്‍ 26 ഗജവീരന്മാര്‍ അണിനിരന്നു. എടക്കളത്തൂര്‍ അര്‍ജുനന്‍ ഭഗവത് തിടമ്പേറ്റി. തിരുവല്ല രാധാകൃഷ്ണന്‍, ചൊവ്വല്ലൂര്‍ മോഹനന്‍, ഗുരുവായൂര്‍ ശശികുമാര്‍ എന്നിവരുടെ നേതൃത്വത്തില്‍ പഞ്ചാരിമേളം അരങ്ങേറി. ദീപാരാധനയ്ക്കുശേഷം വെടിക്കെട്ടും നടന്നു. രാത്രി 8ന് ആറാട്ട് എഴുന്നള്ളിപ്പും പത്തിന് ആറാട്ടും നടന്നു.
വാര്‍ത്തയും, പടങ്ങളും അയച്ചുത്തന്നത്: ഷാക്കിറലി ചാവക്കാട്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
താങ്കളുടെ അഭിപ്രായത്തിന് നന്ദി
താങ്കളുടെ അഭിപ്രായം അനുയോജ്യമായത് ആണെങ്കില്‍ ഉടനെ പ്രസിദ്ധീകരിക്കുന്നതാണ്.