എം.എസ്.എം. കോണ്‍ഫ്രന്‍സ് യു.എ.ഇ.തല പ്രചരണോദ്ഘാടനം വെള്ളിയാഴ്ച

ദുബൈ: ‘’അറിവ് സമാധാനത്തിന്’’ എന്ന പ്രമേയവുമായി ജനുവരി 7,8,9 തിയ്യതികളില്‍ കെ.എന്‍.എമ്മിന്റെ പോഷകസംഘടനയായ എം.എസ്.എം. (മുജാഹിദ് സ്റുഡന്റ്സ് മൂവ്മെന്റ്) സംഘടിപ്പിക്കുന്ന സ്റുഡന്‍സ് കോണ്‍ഫ്രന്‍സിന്റെ യു.എ.ഇ.തല പ്രചരണോദ്ഘാടനം വെള്ളിയാഴ്ച  (03/12/10) വൈകുന്നേരം ദുബായില്‍ നടക്കും. അല്‍മനാര്‍ ഖുര്‍ആന്‍ സ്റഡിസെന്റര്‍ അങ്കണത്തില്‍ നടക്കുന്ന പരിപാടി ഇ.ടി.മുഹമ്മദ് ബഷീര്‍ എം. പി. ഉത്ഘാടനം ചെയ്യുമെന്ന് ജനറല്‍ കണ്‍വീനര്‍ എന്‍.വി.നിസാര്‍ അറിയിച്ചു.

 പ്രചരണോദ്ഘാടനത്തിന്റെ ഭാഗമായി നാലുമണിക്ക് നടക്കുന്ന ദഅ്വ: സെഷനില്‍ സുബൈര്‍ പീടിയേക്കല്‍, നസീര്‍ പെരുമ്പാവൂര്‍ എന്നിവര്‍ യഥാക്രമം ‘’നാം മുന്നേറുക’’, ‘’ഖുര്‍ആനിന്റെ സമാധാനസന്ദേശം’’ എന്നീ വിഷയങ്ങളില്‍ പ്രഭാഷണം നടത്തും. 

തുടര്‍ന്ന നടക്കുന്ന പൊതുപരിപാടിയില്‍ എം.എസ്.എം. സംസ്ഥാന പ്രസിഡന്റ് സാബിര്‍ നവാസ് പ്രമേയവിശദീകരണം നടത്തും. യു.എ.ഇ.ഇന്ത്യന്‍ ഇസ്ളാഹി സെന്റര്‍ പ്രസിഡന്റ് അബ്ദുസ്സമദ് സാബീല്‍ അദ്ധ്യക്ഷത വഹിക്കും. ഇസ്ളാഹി സെന്റര്‍ നേതാക്കളായ സി.ടി.ബഷീര്‍, അബ്ദുറഹ്മാന്‍ ചീക്കുന്ന്, ഹുസൈന്‍കക്കാട്, പി.സി.കുഞ്ഞഹമ്മദ് മാസ്റര്‍ തുടങ്ങിയവര്‍ സംബന്ധിക്കും.

അറിവിന്റെ ലക്ഷ്യം ആത്യന്തിക സമാധാനമാണെന്ന തിരിച്ചറിവ് വിദ്യാര്‍ഥികളിലുണ്‍ടാക്കുക എന്നതാണ്  എം.എസ്.എം. സംഘടിപ്പിക്കുന്ന സമ്മേളന ലക്ഷ്യമെന്ന്  സംഘാടകര്‍ അറിയിച്ചു അപക്വകരങ്ങള്‍ കൊണ്‍ട് കൈകാര്യം ചെയ്യുന്നതെന്തും അപകടത്തിലേക്കാണ് നയിക്കുന്നത്. അറിവും ഇതില്‍ നിന്ന് മുക്തമല്ലെന്നും അവര്‍ പറഞ്ഞു. അടുത്ത മാസം 7,8,9 തിയ്യതികളില്‍ മലപ്പുറം ജില്ലയിലെ കോട്ടക്കലില്‍ വെച്ചാണ് എം.എസ്.എം. സ്റുഡന്റ്സ് കോണ്‍ഫറന്‍സ് നടക്കുന്നത്. വിദ്യാഭ്യാസവിചക്ഷണരും സാംസ്കാരിക നേതാക്കളും രാഷ്ട്രീയ പ്രമുഖകരും ഈ സമ്മേളനത്തില്‍ പങ്കെടുക്കുന്നുണ്‍ട്.
  

യു.എ.ഇ.തല പ്രചരണം വിജയിപ്പിക്കുവാന്‍ എ.പി.അബ്ദുസ്സമദ് സാബീല്‍ ചെയര്‍മാനും എന്‍.വി.നിസാര്‍ ജനറല്‍ കണ്‍വീനറുമയി സ്വാഗതസംഘം രൂപീകരിച്ചു. മററു സബ്കമ്മററി ഭാരവാഹികള്‍ : എ.ടി.പി.കുഞ്ഞഹമ്മദ് (വെന്യൂ മാനേജ്മെന്റ്), നൌഷാദ് ആലപ്പുഴ(റിസപ്ഷന്‍), അഷ്റഫ്  മനാര്‍( ഫൂഡ്), മുഹമ്മദലി & മിസ്ബാഹ് ക്രിയേഷന്‍സ്( ടെക്ക്നിക്കല്‍), നസീര്‍ പി.എ. , മുനീര്‍ കെ.സി. (പബ്ളിസിററി), കെ.എ.ജബ്ബാരി, ആരിഫ് സൈന്‍ (മീഡിയ), ഇഖ്ബാല്‍ തിരുവനന്തപുരം(ട്രാന്‍സ്പോര്‍ട്ട)്. പി.കെ.എം.ബഷീര്‍ (വളണ്‍ടിയര്‍))

സ്റുഡന്‍സ് കോണ്‍ഫ്രന്‍സിന്റെ ഭാഗമായി ഞായറാഴ്ച ടീനേജ്കുട്ടികള്‍ക്കായി ദുബായിയില്‍ സംഘടിപ്പിക്കുന്ന ‘’നോളജ് ടെന്റില്‍’’ പങ്കെടുക്കാനാഗ്രഹിക്കുന്നവര്‍ ടീന്‍സ് പ്രോഗ്രാം കണ്‍വീനര്‍ വി.സി.അഷ്റഫുമായി ബന്ധപ്പെടേണ്‍ടതാണ്  മൊബൈല്‍ : 050 6537140.
 
അല്‍മനാര്‍ സെന്ററില്‍ ചേര്‍ന്ന യോഗത്തില്‍ എ.പി.അബ്ദുസ്സമദ് അദ്ധ്യക്ഷത വഹിച്ചു. എന്‍.വി.നിസാര്‍, വി.സി.അഷ്റഫ്, വി.കെ.കെ.അബ്ദുല്ല, ആരിഫ് സൈന്‍, പി.കെ.എം.ബഷീര്‍, നസീര്‍ പി.എ, ഇഖ്ബാല്‍ തിരുവനന്തപുരം തുടങ്ങിയവര്‍ ചര്‍ച്ചയില്‍ പങ്കെടുത്തു.

ദേര, ഖുസൈസ്, ജബല്‍ അലി തുടങ്ങി ദുബായിലെ വിവിധ ഭാഗങ്ങളില്‍ നിന്നും അല്‍മനാറിലേക്ക് വെള്ളിയാഴ്ച വൈകുന്നേരം വാഹനസൌകര്യമുണ്‍ ടായിരിക്കും. സ്ത്രീകള്‍ക്കും പരിപാടി ശ്രവിക്കാന്‍ പ്രത്യേക സൌകര്യമൊരുക്കിയിട്ടുണ്‍ട്.

സാബിര്‍ നവാസിനു സ്വീകരണം നല്‍കി

ദുബായ് : സ്റുഡന്‍സ് കോണ്‍ഫ്രറന്‍സ് പ്രചരണാര്‍ഥം  യു.എ.ഇ.യിലെത്തിയ  എം.എസ്.എം. (മുജാഹിദ് സ്റുഡന്റ്സ് മൂവ്മെന്റ്) സംസ്ഥാന പ്രസിഡന്റ് സാബിര്‍ നവാസിന് ഇസ്ളാഹിസെന്റര്‍ നേതാക്കളും സ്വാഗതസംഘം ഭാരവാഹികളും ചേര്‍ന്ന് ദുബായ് ഇന്റര്‍നാഷണല്‍ എയര്‍പോര്‍ട്ടില്‍ ഹൃദ്യമായ സ്വീകരണം നല്‍കി.

ശരീഫ് പി.കെ, ഇബ്രാഹീം എളയാററില്‍, എന്‍.വി.നിസാര്‍, ബൈജുസയ്യദ്, നിയാസ് മോങ്ങം, സബാഹ് സാബീല്‍, അബ്ദുസ്സലാം അബ്ദുസ്സമദ്  തുടങ്ങിയവര്‍ അദ്ദേഹത്തെ സ്വീകരിക്കുവാന്‍ എയര്‍പോര്‍ട്ടില്‍ എത്തിയിരുന്നു. 
യു.എ.ഇ.യുടെ വിവിധ ഭാഗങ്ങളില്‍ നടക്കുന്ന പരിപാടികളില്‍ സാബിര്‍ നവാസ് പ്രസംഗിക്കും. അല്‍മനാറില്‍ നടക്കുന്ന ടീന്‍സ് നോളജ് ടെന്റിനും സാബിര്‍ നേതൃത്വം നല്‍കും.