ചാവക്കാട് ബ്ളാങ്ങാട് അറക്കല്‍ ചേര്‍ക്കല്‍ കുടുംബാംഗമായ എ സി അഹമ്മദിന്റെ അഞ്ചുപതിറ്റാണ്േടാളം നീണ്ട തിളക്കമാര്‍ന്ന പൊതുപ്രവര്‍ത്തനം തലപ്പിള്ളി താലൂക്കിലായിരുന്നു. 45 വര്‍ഷമായി ചേലക്കരക്കടുത്ത് മുള്ളൂര്‍ക്കരയിലായിരുന്നു താമസം. മുള്ളൂര്‍ക്കര ഗ്രാമപ്പഞ്ചായത്ത് നേടിയെടുക്കുന്നതിന് നേതൃത്വം വഹിക്കുകയും ആദ്യത്തെ പ്രസിഡന്റാവുകയും ചെയ്തു. തൃശൂര്‍ ജില്ലയില്‍ മുസ്ലിം ലീഗ് കെട്ടിപ്പടുക്കുന്നതില്‍ നിര്‍ണായക പങ്കുവഹിച്ചിട്ടുണ്ട്. ലീഗിന്റെ തലപ്പിള്ളി താലൂക്ക് കമ്മിറ്റി സെക്രട്ടറി, പ്രസിഡന്റ് തുടങ്ങിയ പദവികളിലൂടെ ജില്ലാ കമ്മിറ്റിയിലെത്തിയ ഇദ്ദേഹം ഖജാഞ്ചി, ജനറല്‍ സെക്രട്ടറി, പ്രസിഡന്റ് എന്നീ പദവികളും വഹിച്ചു. റൂറല്‍ ഡവലപ്മെന്റ് ബോര്‍ഡ് മെംബര്‍, തൃശൂര്‍ സ്പിന്നിങ് മില്‍ വൈസ് പ്രസിഡന്റ്, തൃശൂര്‍ അര്‍ബര്‍ ഡവലപ്മെന്റ് അതോറിറ്റി മെംബര്‍ തുടങ്ങി നിരവധി ഔദ്യോഗിക ചുമതലകളും വഹിച്ചിട്ടുണ്ട്.
പാണക്കാട് ഹൈദരാലി ശിഹാബ് തങ്ങള്‍, ജനറല്‍ സെക്രട്ടറി പി കെ കുഞ്ഞാലിക്കുട്ടി, കല്ലടി മുഹമ്മദ്, ടി എ അഹമ്മദ് കബീര്‍, കെ പി എ മജീദ്, ടി പി എം സാഹിര്‍, പി വി അബ്ദുല്‍ വഹാബ്, സ്പീക്കര്‍ കെ രാധാകൃഷ്ണന്‍, പി കെ കെ. ബാവ, വി കെ ഇബ്രാഹീംകുഞ്ഞ് എം.എല്‍.എ, സി എ എം എ കരീം, യൂത്ത്ലീഗ് സംസ്ഥാന പ്രസിഡന്റ് കെ എം ഷാജി, ജന. സെക്രട്ടറി അഡ്വ. എന്‍ ഷംസുദ്ദീന്‍, ഖജാഞ്ചി പി എം സാദിഖലി, ടി എന്‍ പ്രതാപന്‍ എം.എല്‍.എ, സി.പി.എം ജില്ലാ സെക്രട്ടറി ബേബി ജോണ്‍, ജില്ലാ പഞ്ചായത്ത് പ്രസിഡന്റ് കെ വി ദാസന്‍, കെ വി അബ്ദുല്‍ ഖാദര്‍ എം.എല്‍.എ പരേതന്റെ വസതിയിലെത്തി. ബ്ളാങ്ങാട് ജുമാമസ്ജിദില്‍ നടന്ന ജനാസ നമസ്കാരത്തിന് മുസ്്ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങള്‍ നേതൃത്വം നല്‍കി. മുള്ളൂര്‍ക്കര പഞ്ചായത്തില്‍ ഇന്നലെ അനുശോചകസൂചകമായി ഹര്‍ത്താലാചരിച്ചു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
താങ്കളുടെ അഭിപ്രായത്തിന് നന്ദി
താങ്കളുടെ അഭിപ്രായം അനുയോജ്യമായത് ആണെങ്കില്‍ ഉടനെ പ്രസിദ്ധീകരിക്കുന്നതാണ്.