പേജുകള്‍‌

2010, ഡിസംബർ 7, ചൊവ്വാഴ്ച

ഒരുമനയൂര്‍ പഞ്ചായത്തിലെ കുടിവെള്ള വിതരണത്തിലെ അപാകത പരിഹരിക്കണം

ചാവക്കാട്: ഒരുമനയൂര്‍ പഞ്ചായത്തിലെ കുടിവെള്ള വിതരണത്തിലെ അപാകത പരിഹരിക്കണമെന്നാവശ്യപ്പെട്ട് പഞ്ചായത്ത് പ്രസിഡന്റ് റെജീന മൊയ്‌നുദ്ദീന്റെ നേതൃത്വത്തില്‍ വാട്ടര്‍ അതോറിറ്റി അധികൃതര്‍ക്ക് നിവേദനം നല്‍കി. പഞ്ചായത്ത് പൊതുടാപ്പിനു പ്രതിവര്‍ഷം 10 ലക്ഷം രൂപ പഞ്ചായത്ത് വാട്ടര്‍ അതോറിറ്റിക്ക് അടയ്ക്കുന്നുണ്ട്. ടാപ്പുകളില്‍ പലതും ഉപയോഗശൂന്യമായിട്ടും അറ്റകുറ്റപ്പണികള്‍ നടത്തുന്നില്ലെന്നും കുടിവെള്ളം യഥാസമയം വിതരണം ചെയ്യുന്നില്ലെന്നും പ്രസിഡന്റ് ചൂണ്ടിക്കാട്ടി.

അനാസ്ഥയെത്തുടര്‍ന്ന് സമരം നടത്തുമെന്നും മുന്നറിയിപ്പ് നല്‍കി. വാട്ടര്‍ അതോറിറ്റി എക്‌സിക്യൂട്ടീവ് എന്‍ജിനീയര്‍, എ.ഇ. എന്നിവര്‍ക്കാണ് നിവേദനം നല്‍കിയത്. പഞ്ചായത്തംഗം നളിനി, പൊതുപ്രവര്‍ത്തകന്‍ കെ.വി. അബ്ദുള്‍ഖാദര്‍, താലൂക്ക് വികസനസമിതിയംഗം എം.കെ. ഷംസുദ്ദീന്‍ എന്നിവരും നിവേദകസംഘത്തിലുണ്ടായിരുന്നു.

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ

താങ്കളുടെ അഭിപ്രായത്തിന് നന്ദി

താങ്കളുടെ അഭിപ്രായം അനുയോജ്യമായത് ആണെങ്കില്‍ ഉടനെ പ്രസിദ്ധീകരിക്കുന്നതാണ്.