കെ എം അക്ബര്
ചാവക്കാട്: സ്ത്രീത്വത്തിന്റെ തേങ്ങലിന് സാന്ത്വനമായി ചാവക്കാട് പോലിസ് സ്റ്റേഷനില് വനിതാ സൌഹൃദവേദി. സ്ത്രീകള്ക്കെതിരെ അടിക്കടിയുണ്ടാകുന്ന ഗാര്ഹിക പീഡനം, തൊഴില് സ്ഥലങ്ങളിലുണ്ടാകുന്ന പീഡനം, പൂവാലശല്ല്യം, മൊബൈല് ഫോണ് വഴിയുള്ള ശല്ല്യം തുടങ്ങിയവക്ക് പരിഹാരം കാണാനാണ് പോലിസ് സ്റ്റേഷനില് വനിതാ സൌഹൃദവേദി ആരംഭിച്ചത്.സ്ത്രീകള് ഇരയാകുന്ന ക്രിമിനല് കേസുകളില് അവര്ക്ക് നിയമ സഹായം നല്കല്, വിവിധ പ്രശ്നങ്ങള് നേരിടുന്നവര്ക്ക് കൌണ്സിലിങ് നല്കല് എന്നിവയും വനിതാ സൌഹൃദവേദിയില് ഉണ്ടാകും. ഇതിനായി പോലിസ് സ്റ്റേഷനോട് ചേര്ന്ന് അതിമനോഹരമായ മുറി ഒരുക്കിയിട്ടുണ്ട്. വനിതാ സൌഹൃദവേദിയുടെ ഉദ്ഘാടനം വെള്ളിയാഴ്ച രാവിലെ 10ന് നഗരസഭ ചെയര്പേഴ്സണ് എ കെ സതിരത്നം നിര്വഹിക്കും. പോലിസും ജനങ്ങളും ഒന്നാണെന്നറിഞ്ഞു കൊണ്ട് ദുരിതമനുഭവിക്കുന്ന സ്ത്രീകള്ക്ക് ഈ പദ്ധതി സഹായകമാവുമെന്ന് സി.ഐ എസ് ഷംസുദീന്, എസ്.ഐ പി അബ്ദുള്മുനീര് പറഞ്ഞു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
താങ്കളുടെ അഭിപ്രായത്തിന് നന്ദി
താങ്കളുടെ അഭിപ്രായം അനുയോജ്യമായത് ആണെങ്കില് ഉടനെ പ്രസിദ്ധീകരിക്കുന്നതാണ്.