പേജുകള്‍‌

2014, ജനുവരി 27, തിങ്കളാഴ്‌ച

ദേശീയപതാക അവഹേളനം : ഡല്‍ഹി മുഖ്യമന്ത്രി അരവിന്ദ് കേജരിവാളിനെതിരെ നടപടി വേണം

കോട്ടയം: ഇന്ത്യന്‍ ദേശീയപതാകയെ അവഹേളിച്ച ഡല്‍ഹി മുഖ്യമന്ത്രി അരവിന്ദ് കേജ്രിവാളിനെതിരെ നാഷണല്‍ ഹോണര്‍ ആക്ട് ഫ്ളാഗ് കോഡ് എന്നീ നിയമങ്ങളുടെ അടിസ്ഥാത്തില്‍ നടപടിയെടുക്കണമെന്ന് മഹാത്മാഗാന്ധി നാഷണല്‍ ഫൌണ്ടേഷന്‍ ചെയര്‍മാന്‍ എബി ജെ. ജോസ് ആവശ്യപ്പെട്ടു. ഡല്‍ഹി മുഖ്യമന്ത്രിക്കെതിരെ നടപടി സ്വീകരിക്കണമെന്നാവശ്യപ്പെട്ട് രാഷ്ട്രപതി, കേന്ദ്ര ആഭ്യന്തരമന്ത്രാലയം എന്നിവര്‍ക്കു പരാതി കിയതായും എബി അറിയിച്ചു.  

മദ്യം കഴിച്ച് എട്ടുവയസുകാരന്‍ മരിച്ച സംഭവത്തിന്റെ നടുക്കം മാറുന്നതിനു മുന്പേ തൃശൂരില്‍ ആറു വയസുകാരന്‍ മദ്യം കഴിച്ച് അവശ നിലയില്‍

തൃശൂര്‍: മദ്യം കഴിച്ച് എട്ടുവയസുകാരന്‍ മരിച്ച സംഭവത്തിന്റെ നടുക്കം മാറുന്നതിനു മുന്പേ തൃശൂരില്‍ ആറു വയസുകാരന്‍ മദ്യം കഴിച്ച് അവശ നിലയില്‍ തൃശൂര്‍ കൈപ്പറമ്പ് പോനൂരിലാണ്‌ മദ്യം കഴിച്ച് അവശ നിലയിലായ ആറു വയസുകാരനെ ആശുപത്രിയില്‍ പ്രവേശിപ്പിച്ചത്.

ചൊവ്വാഴ്ച നടത്താനിരുന്ന ഓട്ടോ- ടാക്സി പണിമുടക്കും ബുധനാഴ്ച നടത്താനിരുന്ന സ്വകാര്യ ബസ് സമരവും പിന്‍വലിച്ചു

തിരുവന്തപുരം: ചൊവ്വാഴ്ച നടത്താനിരുന്ന ഓട്ടോ- ടാക്സി പണിമുടക്കും ബുധനാഴ്ച നടത്താനിരുന്ന സ്വകാര്യ ബസ് സമരവും പിന്‍വലിച്ചു. ചൊവ്വാഴ്ച നടത്താനിരുന്ന ഓട്ടോ- ടാക്സി പണിമുടക്ക് പിന്‍വലിച്ചു. ടാക്സ് വര്‍ധനയില്‍ പ്രതിഷേധിച്ചായിരുന്നു ചൊവ്വാഴ്ച സംസ്ഥാവ്യാപകമായി ഓട്ടോ-ടാക്സി പണിമുടക്ക് പ്രഖ്യാപിച്ചിരുന്നത്. വിവിധ ട്രേഡ് യൂണിയന്‍ തോക്കളുമായി ധനകാര്യ മന്ത്രി കെ.എം മാണി നടത്തിയ കൂടിക്കാഴ്ചയെ തുടര്‍ന്നാണ് പണിമുടക്ക് പിന്‍വലിച്ചത്. 

കൊച്ചി മെട്രോ പേട്ട വരെ നിശ്ചയിരുന്ന പാത തൃപ്പൂണിത്തുറ വരെയാക്കാന്‍ തീരുമാനം

കൊച്ചി: മെട്രോ തൃപ്പൂണിത്തുറ വരെയാക്കാന്‍ തീരുമാനം . കൊച്ചിയില്‍ ചേര്‍ന്ന കെഎംആര്‍എല്‍ ബോര്‍ഡ് യോഗമാണ് തൃപ്പൂണിത്തുറ വരെ മെട്രോ ലൈന്‍ നീട്ടാന്‍ തീരുമാനിച്ചത്. നേരത്തെ ആലുവ മുതല്‍ പേട്ട വരെ നിശ്ചയിരുന്ന പാതയാണ് തൃപ്പൂണിത്തുറ വരെയാക്കാന്‍ തീരുമാനിച്ചത്. 

ഫേസ്ബുക്കിലൂടെ അധിക്ഷേപിച്ചതിനു പെണ്‍കുട്ടി ആത്മഹത്യ ചെയ്തു

കൊച്ചി: ഫേസ്ബുക്കിലൂടെ അധിക്ഷേപിച്ചതിനു പെണ്‍കുട്ടി ആത്മഹത്യ ചെയ്തു. കൊച്ചി ചിറ്റൂര്‍ സ്വദേശിനിയാണ് ആത്മഹത്യ ചെയ്തത്. ഫേസ്ബുക്കിലൂടെയും എസ്എംഎസിലൂടെയും അധിക്ഷേപിച്ചുവെന്നാണു പരാതി.

2014, ജനുവരി 11, ശനിയാഴ്‌ച

സമുദായം പ്രവാചകചര്യയില്‍ നിന്നും അകന്നുപോവുന്നു: ടി അബ്ദുല്‍ റഹ്മാന്‍ ബാഖവി

ചാവക്കാട്: പ്രവാചകചര്യയില്‍ നിന്നും അകന്നുപോവുന്നതാണ് സമുദായം ഇന്ന് നേരിടുന്ന ഏറ്റവും വലിയ പ്രശ്മെന്ന് ഓള്‍ ഇന്ത്യ ഇമാംസ് കൌണ്‍സില്‍ സംസ്ഥാ ജറല്‍ സെക്രട്ടറി ടി അബ്ദുല്‍ റഹ്മാന്‍ ബാഖവി പറഞ്ഞു. അഞ്ചങ്ങാടി മുസ്ലിം കള്‍ച്ചറല്‍ സെന്റര്‍ സംഘടിപ്പിച്ച ഹുബ്ബുറസൂല്‍ ഏകദി പ്രഭാഷണം ഉദ്ഘാടം ചെയ്യുകയായിരുന്നു അദ്ദേഹം.

2014, ജനുവരി 9, വ്യാഴാഴ്‌ച

ഒപ്പനയില്‍ ഇത്തവണയും ബഥനി

ഗുരുവായൂര്‍ : ഇശലിന്റെ താളത്തിനൊത്ത് താളത്തില്‍ കൈക്കൊട്ടി പാടിയ കുന്നംകുളം ബഥനി സെന്റ് ജോണ്‍സ് ഹയര്‍ സെക്കണ്ടറി സ്കുളിലെ മൊഞ്ചത്തിമാര്‍ക്ക ഇത്തവണയും ഒപ്പനയില്‍ ഒന്നാംസ്ഥാനം . മുഹമ്മദ് നബിയുടെയും ആയിശാബീവിയുടെയും മംഗല്യ കഥയുമായാണ് ബഥനിയിലെ മൊഞ്ചത്തിമാര്‍ എത്തിയത്. വിദ്യാര്‍ത്ഥികളായ ഐശ്വര്യ, ശ്രുതി, അപ്സര, ശ്രേയ, ഗ്രീഷ്മ, ആര്യ, ക്ളെന്‍സി, സുമയ്യ, നീരജ, ഫര്‍സാന എന്നിവരാണ് ടീം അംഗങ്ങള്‍.

അഞ്ചാം തവണയും വീണയില്‍ ദുര്‍ഗ്ഗാലക്ഷ്മി

ഗുരുവായൂര്‍ : വരാളിരാഗത്തിലൂടെ വീണയില്‍ നാദധ്വനി ഉയര്‍ന്നപ്പോള്‍, അക്ഷരാര്‍ദ്ധത്തില്‍ സദസ്സ് പരിസരം മറന്ന് ലയിച്ചിരുന്നു. പാവറട്ടി സെന്റ്ജോസഫ് ഹയര്‍സെക്കന്ററി സ്ക്കൂളിലെ ദുര്‍ഗ്ഗാലക്ഷ്മിയാണ് വീണ വായനയിലൂടെ പ്രേക്ഷകസദസ്സിനെ കീഴടക്കി ഒന്നാംസ്ഥാനം കരസ്ഥമാക്കിയത്. തുടര്‍ച്ചയായി അഞ്ചാം തവണയാണ് ദുര്‍ഗ്ഗാലക്ഷ്മി ഒന്നാംസ്ഥാനം കരസ്ഥമാക്കുന്നത്.

അര്‍ജ്ജുനനായി നമിതാജയന്‍

ഗുരുവായൂര്‍ : രൌദ്രത നിറഞ്ഞ കണ്ണുകളോടെ അര്‍ജ്ജുനനായി കലോത്സവവേദിയില്‍ നമിതാജയന്‍ പ്രത്യക്ഷപ്പെട്ടപ്പോള്‍, ആസ്വാദകസദസ്സ് അക്ഷരാര്‍ദ്ദത്തില്‍ അന്തംവിട്ടുപോയി. അരങ്ങത്ത് പച്ചയായി എത്തിയെങ്കിലും, ഇന്ദ്രനോട് അനുഗ്രഹം ചോദിക്കുമ്പോള്‍ രൌദ്രഭാവം താനെ താഴ്ന്നിറങ്ങിയതും ഏറെ ശ്രദ്ധേയമായി. കളികഴിഞ്ഞ് വേദിവിട്ടിറങ്ങുമ്പോള്‍, അരങ്ങുതകര്‍ത്തു എന്നുതന്നെയായിരുന്നു കഥകളി ആസ്വാദകരുടെ ഭാഷ്യം.

2014, ജനുവരി 8, ബുധനാഴ്‌ച

മാപ്പിളപ്പാട്ട് സഹോദരങ്ങള്‍ക്ക്

ഗുരൂവായുര്‍ : യു.പി, ഹൈസ്കൂള്‍ വിഭാഗം ആണ്‍കുട്ടികളുടെ മാപ്പിളപ്പാട്ട് മത്സരത്തില്‍ സഹോദരങ്ങളായ അഷ്ക്കറും അജ്മലും നേടി. തിരുനബിയുടെ പൂമകള്‍ ഫാത്തിമയെ കുറിച്ച് മാപ്പിള കവി സെയ്താലി കുട്ടി മാസ്റര്‍ രചിച്ച തേന്‍കളര്‍ കസ്തൂരിവാസം എന്നു തുടങ്ങുന്ന പാട്ട് പാടി യു.പി വിഭാഗത്തില്‍ അഷ്ക്കര്‍ ആദ്യമെത്തിയപ്പോള്‍ ബദരീങ്ങളുടെ മദ്ഹ് പറയുന്ന ബദ്റിലെ സര്‍വജയം ബദ്രീങ്ങള്‍ എന്ന് തുടങ്ങുന്ന പാട്ട് പാടിയാണ് അജ്മല്‍ ഒന്നാമതെത്തിയത്. വടക്കേക്കാട്

കൌമാരവര്‍ണങ്ങള്‍ മഴവില്ലൊരുക്കി; കലയുടെ പെരുമ്പറ മുഴക്കി ഗുരുപവനപുരി

മുന്നില്‍ ഇരിങ്ങാലക്കുടയും കൊടുങ്ങല്ലൂരും
ഗുരുവായൂര്‍ : കൌമാരവര്‍ണങ്ങള്‍ മഴവില്ലൊരുക്കിയ മേളയ്ക്ക് ഇന്ന് തിരശീല വീഴാനൊരുങ്ങവേ ഗുരുപവനപുരിയില്‍ കലയുടെ പെരുമ്പറ മുഴക്കം ഉച്ചസ്ഥായിലായി. ഏഴഴകിന്റെ ചാരുതയില്‍ ഗുരുവായൂര്‍ പൂരലഹരിയിലാണ്. ഹയര്‍ സെക്കണ്ടറി വിഭാഗത്തില്‍ ഇരിങ്ങാലക്കുട സബ് ജില്ല 357 പോയന്റ് നേടി ഒന്നാം സ്ഥാനത്ത് തുടരുമ്പോള്‍ 320 പോയന്റ് നേടി കുന്നംകുളം സബ്ജില്ല രണ്ടും മാള സബ്ജില്ല 305 പോയന്റ് നെടി മൂന്നും സ്ഥാനത്തുണ്ട്.

സ് ടി യു സംസ്ഥാന തല വാഹന ജാഥയുടെ ഭാഗമായി ഫണ്ട്‌ ശേഖരരണം

ബഷീര്‍ പി കെ മാമ്മു
ചാവക്കാട്. ഇന്ത്യന്‍ യുണിയന്‍ മുസ്ലിം ലീഗിന്റെ തൊഴിലാളി വിഭാഗമായ സ്വതന്ത്ര തൊഴിലാളി യുനിയന്‍ സംസ്ഥാന കമ്മറ്റി സംഘടിപ്പിക്കുന്ന വാഹന ജാഥയുടെ ഭാഗമായുള്ള ഫണ്ട്‌ ശേഖരണത്തിന്റെ കടപ്പുറം പഞ്ചായത്ത് തല  ഉല്‍ഘാടനം പുതിയങ്ങാടിയില്‍ സ് ടി യു കടപ്പുറം പഞ്ചായത്ത് പ്രസിടണ്ട് സി.സി.മുഹമ്മദ്‌ നിര്‍വഹിച്ചു. ജെനറല്‍ സെക്രെട്ടറി പണ്ടാരി ഷാഹു, കെ.ഐ.നൂറുദ്ധീന്‍ , ബി.കെ.സുബൈര്‍ തങ്ങള്‍ , പി.സ്. ബക്കര്‍ , കെ.എം.താജുധീന്‍ , കൊച്ചുകൊയതങ്ങള്‍ , വി.യു.ഫൈസന്‍ , സി.എം.ഉമ്മര്‍ , കെ.ഐ. ആദം , കെ.എം. ലത്തീഫ്, പി.എസ. ഷറഫുധ്ധീന്‍ , എ.എച്ച്. ഷബീര്‍ , പി.സ്. ശാഹിദ്‌ തുടങ്ങിയവര്‍  സംബന്ധിച്ചു.

തായമ്പകയില്‍ കൊട്ടിക്കയറി ശ്രീഹരി

കെ എം അക് ബര്‍ 
ഗുരുവായൂര്‍ : തായമ്പകയില്‍ തൃക്കൂര്‍ ശ്രീഹരി ഒന്നാംസ്ഥാനം കരസ്ഥമാക്കിയത് കൊട്ടി തിമര്‍ത്തു തന്നെയായിരുന്നു. പുതുക്കാട് സെന്റ് ആന്റണീസ് ഹയര്‍സെക്കന്ററി സ്ക്കൂളിലെ പ്ളസ് വണ്‍ വിദ്യാര്‍ത്ഥിയായ ശ്രീഹരി പതികാലത്തില്‍ തുടങ്ങി ഇരിതിടയില്‍ പ്രയോഗിച്ചിറങ്ങി ആസ്വാദകര്‍ക്ക് 'പലഹരി' തന്നെ പകര്‍ന്നായിരുന്നു, വേദി വിട്ടറങ്ങിയത്.

2014, ജനുവരി 7, ചൊവ്വാഴ്ച

ജുബ്ബ വേഷത്തില്‍ കുരുന്നു കാഥികര്‍

ഗുരുവായൂര്‍: കുരുന്നു കാഥികരെല്ലാം ജുബ്ബവേഷത്തില്‍. കഥാപ്രസംഗ വേദിയില്‍ പക്കമേളക്കാരുള്‍പ്പടെ മുഴുവന്‍പേരും ഫുള്‍കൈ ജുബ്ബവേഷത്തിലായതും ഏറെ കൌതുകകരമായി. ഒട്ടുമിക്കവരും ശുഭ്രവസ്ത്രധാരികളായിരുന്നു. "അതാ അവിടേക്ക് നോക്കൂ'' മിക്ക കഥയുടേയും തുടക്കവും അതുതന്നെ. മദ്യവും, മയക്കുമരുന്നും, എയ്ഡ്സ് രോഗവും കടന്ന്,

"മനസ്സില്‍ തട്ടിയ ബാല്യ കാല സ്മരണകള്‍"

സിദ്ധീഖ് കൈതമുക്ക്
പാവറട്ടി: വെന്മേനാട്ടുകാരുടെ പഴയ കാല ഓര്‍മകള്‍ക്ക് ചിറകു മുളപ്പിക്കുന്ന ബാക്കിപത്രമായി ഈ കെട്ടിടം ഇന്നും മൂക സാക്ഷിയായി നില നില്‍ക്കുന്നു. തത്തകുളങ്ങര ഭഗവതി ക്ഷേത്രത്തിനു പരിസരത്ത് നിലയുറപ്പിച്ച ഈ രണ്ടു മുറി പീടികക്ക് അനേകം ചരിത്രങ്ങള്‍ പറയാനുണ്ടാകും. നമ്മുടെ കൊച്ചു ഗ്രാമത്തിലെ പതിറ്റാണ്ടുകള്‍ക്കപ്പുറത്തെ സാധാരണക്കാരായ ജനങ്ങളുടെ കണ്ണീരും, കിനാവും, നോവും, നൊമ്പരവും പരസ്പരം പങ്കു വെച്ചിരുന്ന ഒരു സൌഹ്രിദ സങ്കേതം കൂടിയായിരുന്നു ഈ ആസ്ഥാന മന്ദിരം എന്ന് പറയുന്നതില്‍ തെറ്റില്ല എന്നാണ് എന്റെ പക്ഷം.

രണ്ടാംദിവസം ആക്ഷേപങ്ങളേറെ


 കെ എം അക് ബര്‍ 

ഗുരുവായൂര്‍ : കലോത്സവം രണ്ടാംദിവസത്തിലേക്ക് കടന്ന ഇന്നലെ, വേദികളില്‍ ആക്ഷേപങ്ങളുടെ പെരുമഴ. വേദികളില്‍ പലതിലും മത്സരങ്ങള്‍ വൈകിയാണ് തുടങ്ങിയത്. മത്സരങ്ങള്‍ തുടങ്ങാന്‍ വൈകിയത് മൊത്തം മത്സരങ്ങളെ ബാധിക്കുകയും ചെയ്തു. ഗുരുവായൂര്‍ എ.യു.പി സ്ക്കൂളില്‍ ഇന്നലെ രാവിലെ 9.30-ന്‌ തുടങ്ങേണ്ട അഷ്ടപദി മത്സരം ഒന്നരമണിക്കൂര്‍ വൈകിയാണ് തുടങ്ങിയത്. മത്സരം തുടങ്ങി പാതിപിന്നിട്ടപ്പോള്‍, ഒരുമത്സരാര്‍ത്ഥിയെകാത്ത് സദസ്സും, വിധികര്‍ത്താക്കളും കാത്തിരിക്കേണ്ടിയും വന്നു.

രണ്ടാം ദിനം ഭാവ താള ലയ സമൃദ്ധം; വര്‍ണങ്ങള്‍ വിതറി കലാസപര്യ

കെ എം അക് ബര്‍ 
ഇരിങ്ങാലക്കുട, തൃശൂര്‍ വെസ്റ്, മാള, കൊടുങ്ങല്ലൂര്‍ മുന്നില്‍ 
ഗുരുവായൂര്‍ : കൌമാര കലാചാരുതയ്ക്ക് ഗുരുപവനപുരിയിലെ വേദികളില്‍ ഏഴഴകിന്റെ പൂര്‍ണത. സര്‍ഗവൈഭവത്തിന്റെ പകര്‍ന്നാട്ടം രണ്ടു ദിനം പിന്നിട്ടപ്പോള്‍ മത്സാരാര്‍ഥികള്‍ക്ക് കണ്ണീരും ചിരിയും. പുതുമയുടെ ഇടംതേടി വിധികര്‍ത്താക്കളും കലയുടെ സൌകുമാര്യം കൊതിച്ച് കാണികളും. ഹയര്‍ സെക്കണ്ടറി വിഭാഗത്തില്‍ ഇരിങ്ങാലക്കുട സബ് ജില്ല 211 പോയന്റ് നേടി ഒന്നാം സ്ഥാനത്ത് തുടരുമ്പോള്‍ 202 പോയന്റ് നേടി മാള സബ്ജില്ല രണ്ടും കുന്നംകുളം സബ്ജില്ല 199 പോയന്റ് നേടി മൂന്നും സ്ഥാത്തുണ്ട്.

ഒരുമനയൂരില്‍ ഭരണം എല്‍.ഡി.എഫിന്; ശോഭന രവീന്ദ്രന്‍ പ്രസിഡന്റ് പി.കെ. മുഹമ്മദ്ബഷീര്‍ വൈസ് പ്രസിഡന്റ്

ചാവക്കാട്: ഒരുമനയൂര്‍ ഗ്രാമപ്പഞ്ചായത്ത് പ്രസിഡന്റായി സി.പി.എമ്മിലെ ശോഭന രവീന്ദ്രനേയും വൈസ്​പ്രസിഡന്റായി സി.പി.ഐ.യിലെ അഡ്വ. പി.കെ. മുഹമ്മദ്ബഷീറിനെ തിരഞ്ഞെടുത്തു. 

ഭക്തിലയം ദഫ് താളം; ഡബിള്‍ ഹാട്രിക്കോടെ ഡോണ്‍ബോസ്കോ

കെ എം അക് ബര്‍ 
ഗുരുവായൂര്‍: ഭക്തി താള ലയം സമന്വയിച്ച ദഫ്മുട്ട് വേദി പ്രവാചക സ്ഹേത്തിലലിഞ്ഞ മദീനാ പട്ടണമായി. ശുഭവസ്ത്രവും തലപ്പാവും ധരിച്ചെത്തിയ പ്രതിഭകള്‍ ബൈത്തുകള്‍ ചൊല്ലി ദഫില്‍ താളമിട്ടപ്പോള്‍ നിറഞ്ഞ സദസ്സ് പ്രവാചക സ്ഹേത്തേയും മദീനാവാസികളുടെ സ്നേഹോഷ്മളമായ വരവേല്‍പ്പിനേയും അനുസ്മരിച്ചു. നാഥാനായ ദൈവത്തിന്‌ സ്തുതി പാടിയാണ് ഓരോ സംഘത്തിന്റെയും ദഫ്മുട്ട് മല്‍സരം ആരംഭിച്ചത്.

കാര്‍ട്ടൂണില്‍ സരിതയും ആം ആദ്മിയും

ഗുരുവായൂര്‍: വാക്കും വരയും സമ്മേളിക്കുന്ന കാര്‍ട്ടൂണില്‍ സരിതയും ആം ആദ്മിയും. സോളാര്‍ കേസില്‍ ഉന്നതരുടെ പേര് വെളിപ്പെടുത്തേണ്ടി വരും എന്ന് സരിത പറയുന്ന വാചകം സരിതയുടെ ചിത്രം സഹിതം കാര്‍ട്ടൂണില്‍ തെളിഞ്ഞു. മുഖ്യമന്ത്രിയേയും കുരുന്നുകള്‍ വെറുതെ വിട്ടില്ല. സോളാര്‍ വിഷയത്തില്‍ സരിതയേയും ചേര്‍ത്ത് നിര്‍ത്തിയാണ് മുഖ്യനെ വരച്ചത്. ആം ആദ്മി പാര്‍ട്ടിയായിരുന്നു കുരുന്നകള്‍ കണ്ടെത്തിയ വരയുടെ പുതുരേഖ. ഇനി ഹിന്ദി പഠിക്കേണ്ടി വരുമോ എന്ന ആശങ്കയും കുരുന്നു വരയിലൂടെ ആശ്ചര്യപ്രകടനം നടത്തി.

നടന ചാരുത നിറച്ച് തിരുവാതിരക്കളി; തിരുവാതിരക്കുറി ചൂടി ചാലക്കുടി കാര്‍മല്‍

ഗുരുവായൂര്‍: അംഗനമാരുടെ നടന ചാരുതയുടെ മേന്‍മയില്‍ വള്ളുവനാടിന്റെ തനതു കലയായ തിരുവാതിരക്കളി മികവ് പുലര്‍ത്തി. നടന്ന തിരുവാതിര കളി മത്സരം കാണാന്‍ നിരവധി പേരാണ് സദസ്സില്‍ ഇടം നേടിയത്. നമ്പി രാജ്യ പുതിയാം വള്ളിയേയും... എന്നു തുടങ്ങുന്ന തിരുവാതിരപാട്ട് രണ്ടില്‍ കൂടുതല്‍ മത്സരാര്‍ഥികളാണ് അവതരിപ്പിച്ചത്.

വിധികര്‍ത്താക്കള്‍ക്ക് കോഴ വാഗ്ദാനവും ഭീഷണിയും

ഗുരുവായൂര്‍: മോഹിനിയാട്ട മല്‍സര വിധികര്‍ത്താവിന്‌ കോഴ വാഗ്ദാനമ് . ബാന്റ് വാദ്യം വിധികര്‍ത്താക്കള്‍ക്ക് ഭീഷണി. മോഹിനിയാട്ട മല്‍സര വിധികര്‍ത്താവ് കോഴിക്കോട് പേരാമ്പ്ര സ്വദേശിനി കലാമണ്ഡലം ഷീനക്കാണ്

അണിഞ്ഞൊരുങ്ങി മോഹിനിമാര്‍; ലാസ്യഭംഗിയില്‍ മോഹിനിയാട്ടം

കെ എം അക് ബര്‍ 
ഗുരുവായൂര്‍:  അംഗലാവണ്യത്തിന്റെയും ലാസ്യഭംഗിയുടെയും നിറവില്‍ മോഹിനിയാട്ടം വേദി സദസ്യരെ പിടിച്ചിരുത്തി. സ്കൂള്‍ കലോത്സവത്തില്‍ പ്രധാനമായ മോഹിനിയാട്ടം വേദിയാണ് പ്രതീക്ഷിച്ചതുപോലെ വേദികളെ പിടിച്ചിരുത്തിയത്. വന്‍തിരക്കാണ് വേദികളില്‍ അനുഭവപ്പെട്ടത്. ഹയര്‍സെക്കന്ററി, ഹൈസ്കൂള്‍ വിഭാഗങ്ങളിലെ മത്സരം നടക്കുമ്പോള്‍ നിറഞ്ഞ സദസ്സായിരുന്നു.

ക്രമസമാധാനം 'കുട്ടിപോലിസി'ല്‍ ഭദ്രം'

കെ എം അക് ബര്‍ 
ഗുരുവായൂര്‍: റവന്യൂ ജില്ലാ  സ്കൂള്‍ കലോല്‍സവത്തില്‍ ക്രമസമാധാനം കുട്ടിപോലിസിന്റെ കൈയ്യില്‍ ഭദ്രം. ശ്രീകൃഷ്ണ എച്ച്.എസ് സ്കൂളിലെ സ്റ്റുഡന്റ്സ് പോലിസ് കേഡറ്റ് അംഗങ്ങളായ 88 വിദ്യാര്‍ഥികളാണ് കോര്‍ഡിനേറ്റര്‍മാരായ സി എ ശരത്കുമാര്‍, പി ബി സ്മിത എന്നിവരുടെ നിര്ദേശമുസരിച്ച് കലോല്‍സവ വേദികളിലെ ക്രമസമാധാനം നിയന്ത്രിച്ചത്.

2014, ജനുവരി 6, തിങ്കളാഴ്‌ച

നുപുരധ്വനി ഉയര്‍ന്നു; ഗുരുവായൂരില്‍ കലകളുടെ വേലിയേറ്റം

കെ എം അക് ബര്‍ 
ഹയര്‍ സെക്കണ്ടറി വിഭാഗത്തില്‍ ചാലക്കുടി, ഇരിങ്ങാലക്കുട
ഹൈസ്കൂള്‍ വിഭാഗത്തില്‍ തൃശൂര്‍ വെസ്റ് 
യു.പി വിഭാഗത്തില്‍ കൊടുങ്ങല്ലൂര്‍

ഗുരുവായൂര്‍: നാദ ലയ സ്വരമാധുരിയും നടനകാന്തിയും സര്‍ഗവൈഭവത്തിന്റെ കടലിരമ്പം തീര്‍ത്തപ്പോള്‍ റവന്യൂ ജില്ലാ സ്കൂള്‍ കലോല്‍സവം അരങ്ങേറുന്ന ഗുരുവായൂരില്‍ ആദ്യ ദിനം കലകളുടെ വേലിയേറ്റം. മഴവില്‍ ചാരുതയാര്‍ന്ന നാട്യ നടന വൈഭവങ്ങളും മാപ്പിള കലകളും കൈകോര്‍ത്ത ആദ്യ ദിനം വേദികളെ അവിസ്മരണീയമാക്കി.

അക്ഷരശ്ളോകം കീഴ്ശാന്തി കുടുംബത്തിലേക്ക്

കെ എം അക് ബര്‍  
ഗുരുവായൂര്‍: അക്ഷരശ്ളോക മത്സരത്തില്‍ കന്നിയങ്കത്തിനിറങ്ങിയ പത്തു വയസ്സുകാരന്‍ വിജയതീരമണഞ്ഞു. ഗുരുവായൂര്‍ എ.യു.പി സ്ക്കൂളിലെ അഞ്ചാം ക്ളാസ് വിദ്യാര്‍ഥി ജിഷ്ണുശങ്കറാണ് സംസ്കൃതം അക്ഷരശ്ളോകത്തില്‍ സംസ്കൃതപാടവം തെളിയിച്ച് ഒന്നാം സ്ഥാനം കരസ്ഥമാക്കിയത്.

സദ്യയുണ്ണാന്‍ വന്‍ തിരക്ക്

കെ എം അക് ബര്‍  
ഗുരുവായൂര്‍: കലോത്സവ നഗരിയില്‍ സദ്യയുണ്ണാന്‍ വന്‍ തിരക്ക്. നീണ്ട നേരം  ക്യൂവില്‍ നിന്നായിരുന്നു മത്സരാര്‍ത്ഥികള്‍ക്കും കലോത്സവത്തിനെത്തിയവര്‍ക്കും ഭക്ഷണം കഴിക്കാനായത്. 12-മണിയോടെ ആരംഭിച്ച സദ്യ വിളമ്പല്‍  മൂന്നുമണിയായിട്ടും തുടര്‍ന്നു. തിരക്ക് കുറക്കാന്‍ ബൊഫെ സംവിധാനം ഏര്‍പ്പെടുത്തിയെങ്കിലും,

കലോത്സവ പാചകപ്പുരയില്‍ പാല്‍ കാച്ചി

കെ എം അക് ബര്‍ 
ഗുരുവായൂര്‍: കലോത്സവത്തിന്റെ പാചകപ്പുരയില്‍ പാല്‍ കാച്ചല്‍ ചടങ്ങ് ചാവക്കാട് നഗരസഭ ചെയര്‍പേഴ്സണ്‍ എ കെ സതീരത്നം ഉദ്ഘാടനം ചെയ്തു. ഫുഡ്  കമ്മറ്റി ചെയര്‍മാന്‍ ജി കെ പ്രകാശന്‍ അധ്യക്ഷത വഹിച്ചു. ഗുരുവായൂര്‍ നഗരസഭ ചെയര്‍മാന്‍ ടി ടി ശിവദാസന്‍, പ്രതിപക്ഷതോവ് കെ പി എ.റഷീദ്, കൌണ്‍സിലര്‍മാരായ കെ പി ഉദയന്‍, ഒ കെ ആര്‍ മണികണഠന്‍, പന്തല്‍ കമ്മറ്റി ചെയര്‍മാന്‍ സി വി അച്ചുതന്‍  എന്നിവര്‍ സംസാരിച്ചു. ദിവസവും 5000ഓളം പേര്‍ക്കാണ് ഭക്ഷണം തയ്യാറാക്കുന്നത്.

പന്തല്‍ സമര്‍പ്പണം നടത്തി

കെ എം അക് ബര്‍
ഗുരുവായൂര്‍: റവന്യൂ ജില്ലാകലോത്സവത്തിന്റെ പന്തല്‍ സമര്‍പ്പണം നടന്നു. വിദ്യാഭ്യാസ ഡെപ്യൂട്ടി ഡയറക്ടര്‍ എ ഗീത സമര്‍പ്പണ കര്‍മ്മം നിര്‍ഹിച്ചു. പന്തല്‍കമ്മറ്റി ചെയര്‍മാന്‍ സി വി അച്ചുതന്‍ അധ്യക്ഷത വഹിച്ചു. എ.ഇ.ഒ. പി എന്‍ വത്സല, നഗരസഭ ചെയര്‍മാന്‍ ടി ടി ശിവദാസന്‍, എം എം സാദിഖ്, ജി കെ പ്രകാശന്‍ എന്നിവര്‍ സംസാരിച്ചു.

കൌമാരകലയുടെ മാമാങ്കത്തിന്‌ ഗുരുപവനപുരിയില്‍ തിരിതെളിഞ്ഞു

കെ എം അക് ബര്‍ 
ഗുരുവായൂര്‍: അഞ്ചു നാള്‍ നീണ്ടു നില്‍ക്കുന്ന കൌമാരകലയുടെ മാമാങ്കത്തിന്‌ ഗുരുപവനപുരിയില്‍ തിരിതെളിഞ്ഞു. 26-ാമത് റവന്യൂ ജില്ലാ കേരള സ്കൂള്‍ കലോത്സവത്തിന്റെ ഉദ്ഘാടനം തേറമ്പില്‍ രാമകൃഷ്ണന്‍ എം.എല്‍.എ നിര്‍വഹിച്ചു. വിദ്യാഭ്യാസ ഡെപ്യൂട്ടി ഡയറക്റ്റര്‍ ഇന്‍ ചാര്‍ജ് പി എന്‍ വത്സല പതാക ഉയര്‍ത്തി. തുടര്‍ന്ന് മൂന്നിന്‌  ഇന്ദിരാഗാന്ധി ടൌണ്‍ഹാളില്‍ നിന്നും സാംസ്കാരിക ഘോഷയാത്ര ആരംഭിച്ചു.