കെ എം അക്ബര്‍
ചാവക്കാട്: പോപുലര്‍ ഫ്രണ്ടിനെ വേട്ടയാടുന്നത് മുസ്ലിം ശാക്തീകരണത്തെ അടിച്ചമര്‍ത്താനാണെന്ന് പോപുലര്‍ ഫ്രണ്ട് പാലക്കാട് ജില്ലാ സെക്രട്ടറി മുഹമ്മദാലി കൂറ്റനാട് അഭിപ്രായപ്പെട്ടു. മുസ്ലിം വേട്ടക്കെതിരെ പോപുലര്‍ഫ്രണ്ട് തൃശൂര്‍ ജില്ലാ കമ്മിറ്റി നടത്തുന്ന നയവിശദീകരണ ജാഥയുടെ ആറാം ദിവസത്തെ സമാപനത്തോടനുബന്ധിച്ച് ചാവക്കാട് നടന്ന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. പ്രവാചക നിന്ദ നടത്തിയ ജോസഫിനെ ആക്രമിച്ചെന്ന പേരുപറഞ്ഞ് പോപുലര്‍ഫ്രണ്ടിനെ അടിച്ചൊതുക്കാനാണ് ഭരണകൂടത്തിന്റെ ശ്രമമെന്നും ഉത്തരേന്ത്യന്‍ സംസ്ഥാനങ്ങളില്‍ കരിനിയമങ്ങള്‍ക്കെതിരെ സമരം ചെയ്ത സി.പി.എമ്മുകാര്‍ ടാഡയേക്കാളും പോട്ടയേക്കാളും ഭീകരമായ യു.എ.പി.എ ഉപയോഗിക്കുകയാണെന്നും അദ്ദേഹം കുറ്റപ്പെടുത്തി. ഡിവിഷന്‍ പ്രസിഡന്റ് നാസര്‍ ചാവക്കാട് അധ്യക്ഷത വഹിച്ചു. സെക്രട്ടറി അക്ബര്‍ എടക്കഴിയൂര്‍, ബി ടി സലാഹുദീന്‍ തങ്ങള്‍ സംസാരിച്ചു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
താങ്കളുടെ അഭിപ്രായത്തിന് നന്ദി
താങ്കളുടെ അഭിപ്രായം അനുയോജ്യമായത് ആണെങ്കില്‍ ഉടനെ പ്രസിദ്ധീകരിക്കുന്നതാണ്.