ചാവക്കാട്: പുന്നയൂര്‍ പഞ്ചായത്തിലെ വികസനത്തോടൊപ്പം ബ്രേക്കിടാതെ ഇനി കമാലുദ്ദീന്‍(34) ബസ് ഒാടിക്കും. പുന്നയൂര്‍ പഞ്ചായത്ത് 17-ാം വാര്‍ഡില്‍നിന്നു ജയിച്ച കോണ്‍ഗ്രസിലെ കെ.കെ. കമാലുദ്ദീന്‍ പൊന്നാനി-ചാവക്കാട്-കുന്നംകുളം- തൃശൂര്‍ റൂട്ടിലോടുന്ന ബാബുരാജ് ബസിലെ ഡ്രൈവറാണ്. കന്നിമത്സരത്തില്‍തന്നെ 311 വോട്ടിന്റെ ഭൂരിപക്ഷത്തിലാണു സിപിഎമ്മിലെ ഹാഷിം തറയിലിനെ തോല്‍പിച്ചത്.
11 വര്‍ഷമായി ബസിന്റെ വളയം തന്റെ കൈകളില്‍ ഭദ്രമായതുപോലെ തനിക്കു വോട്ട് ചെയ്ത ജനങ്ങളോടുള്ള പ്രതിബദ്ധതയും കാത്തുസൂക്ഷിക്കുമെന്നു കമാലുദ്ദീന്‍ പറയുന്നു. ബസ് തൊഴിലാളി യൂണിയന്‍ ഐഎന്‍ടിയുസി ചാവക്കാട് മേഖല സെക്രട്ടറികൂടിയാണു കമാലുദ്ദീന്‍. 20ല്‍ 16 സീറ്റ് നേടിയാണു പുന്നയൂരില്‍ യുഡിഎഫ് ഭരണം നിലനിര്‍ത്തിയത്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
താങ്കളുടെ അഭിപ്രായത്തിന് നന്ദി
താങ്കളുടെ അഭിപ്രായം അനുയോജ്യമായത് ആണെങ്കില്‍ ഉടനെ പ്രസിദ്ധീകരിക്കുന്നതാണ്.