ചാവക്കാട്: നഗരസഭ ചെയര്‍മാനായിരുന്ന എം.ആര്‍. രാധാകൃഷ്ണന്‍ വീണ്ടും ബാങ്കിലെ ഒാഡിറ്ററായി ജോലിയില്‍ പ്രവേശിച്ചു. ചാവക്കാട് സര്‍വീസ് സഹകരണ ബാങ്കിലെ ഇന്റേണല്‍ ഒാഡിറ്ററായ എം.ആര്‍. രാധാകൃഷ്ണന്‍ തന്റെ ജോലിയില്‍നിന്നു അവധിയെടുത്താണ് ചെയര്‍മാന്‍ സ്ഥാനം ഏറ്റെടുത്തത്. നഗരസഭാധ്യക്ഷനായിരിക്കെ കെ.പി. വത്സലന്‍ കൊല്ലപ്പെട്ടതിനെ തുടര്‍ന്ന് 2006 മേയ് 10ന് എം.ആര്‍. രാധാകൃഷ്ണന്‍ ചെയര്‍മാനായി അധികാരമേറ്റു.
പാര്‍ട്ടി ഏല്‍പ്പിച്ച കര്‍ത്തവ്യം ഉത്തരവാദിത്തത്തോടെ നിര്‍വഹിക്കാനായതില്‍ സന്തോഷമുണ്ടെന്നും ജനകീയപങ്കാളിത്തത്തോടെ ചാവക്കാടിന്റെ വികസനം സാധ്യമാക്കാനായതില്‍ അഭിമാനമുണ്ടെന്നും രാധാകൃഷ്ണന്‍ പറഞ്ഞു. സിപിഎം വെസ്റ്റ് ലോക്കല്‍ കമ്മിറ്റി അംഗമായ രാധാകൃഷ്ണന്‍ ഇപ്പോള്‍ 31ാം വാര്‍ഡില്‍നിന്നു വിജയിച്ച് വീണ്ടും കൌണ്‍സിലറായി.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
താങ്കളുടെ അഭിപ്രായത്തിന് നന്ദി
താങ്കളുടെ അഭിപ്രായം അനുയോജ്യമായത് ആണെങ്കില്‍ ഉടനെ പ്രസിദ്ധീകരിക്കുന്നതാണ്.