പേജുകള്‍‌

2010, നവംബർ 9, ചൊവ്വാഴ്ച

പുന്നയൂര്‍ക്കുളം: പ്രസിഡന്റായി ഫാത്തിമ ലീനസ്, വൈസ് പ്രസിഡന്റായി ശോഭ പ്രേമന്‍

പുന്നയൂര്‍ക്കുളം: സ്‌പെഷല്‍ ഗ്രേഡ് ഗ്രാമപ്പഞ്ചായത്ത് പ്രസിഡന്റായി സിപിഎമ്മിലെ ഫാത്തിമ ലീനസിനെയും വൈസ് പ്രസിഡന്റായി സിപിഐയിലെ ശോഭ പ്രേമനേയും തിരഞ്ഞെടുത്തു. ആര്‍ക്കും ഭൂരിപക്ഷമില്ലാത്ത 19 അംഗ ഭരണസമിതിയാണിവിടെ. പ്രസിഡന്റ് തിരഞ്ഞെടുപ്പില്‍ മൂന്നുപേര്‍ മത്സരരംഗത്തുണ്ടായി. ഫാത്തിമ ലീനസിന് 8 വോട്ടും കോണ്‍ഗ്രസ്സിലെ സൈനബ മുഹമ്മദ്കുട്ടിക്ക് 7 വോട്ടും കിട്ടി. ബിജെപി സ്ഥാനാര്‍ഥി ഹീര കൃഷ്ണദാസിന് നാലുവോട്ടാണ് കിട്ടിയത്. കുറവുവോട്ട് കിട്ടിയവര്‍ രണ്ടാംഘട്ട മത്സരരംഗത്തുനിന്ന് മാറിനില്‍ക്കണമെന്ന തത്ത്വമനുസരിച്ച് 4 ബിജെപി അംഗങ്ങള്‍ വോട്ടെടുപ്പില്‍ നിന്നു വിട്ടുനിന്നു. ഇതോടെ കൂടുതല്‍ വോട്ടുകിട്ടിയ സ്ഥാനാര്‍ഥിയെന്നനിലയില്‍ ഫാത്തിമ ലീനസിനെ പ്രസിഡന്റായി തിരഞ്ഞെടുത്തു. 2000ല്‍ പ്രസിഡന്റായിരുന്ന ഫാത്തിമ ലീനസ് പൊന്നാനി എം.ഇ.എസ്. കോളേജില്‍ എസ്എഫ്‌ഐ ഭാരവാഹിയായിരുന്നു. ശോഭ പ്രേമന്‍ തിരഞ്ഞെടുപ്പ് രംഗത്ത് പുതുമുഖമാണ്.


.

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ

താങ്കളുടെ അഭിപ്രായത്തിന് നന്ദി

താങ്കളുടെ അഭിപ്രായം അനുയോജ്യമായത് ആണെങ്കില്‍ ഉടനെ പ്രസിദ്ധീകരിക്കുന്നതാണ്.