ചാവക്കാട്: തീരദേശത്തെ പാവപ്പെട്ടവരുടെ അത്താണിയായ എടക്കഴിയൂര്‍ സീതിസാഹിബ് മെമ്മോറിയല്‍ സ്‌കൂള്‍ പോലുള്ള സ്ഥാപനങ്ങളില്‍ പ്ലസ് വണ്‍ പ്രവേശനത്തിന് വിദ്യാര്‍ത്ഥികളില്‍നിന്നും കോഴവാങ്ങി സാമൂഹിക നീതി അട്ടിമറിക്കുകയാണെന്നും ഇത്തരം വിദ്യാഭ്യാസ കച്ചവടക്കാരെ നിലയ്ക്ക് നിര്‍ത്താന്‍ സര്‍ക്കാര്‍ മുന്നോട്ടുവരണമെന്നും അല്ലാത്ത പക്ഷം പ്രവേശനം തടയുക ഉള്‍പ്പടെയുള്ള സമരപരിപാടികള്‍ക്ക് നേതൃത്വം നല്കാനും എം.എസ്.എഫ്. ഗുരുവായൂര്‍ നിയോജകമണ്ഡലം കമ്മറ്റിയോഗം തീരുമാനിച്ചു. യൂത്ത്‌ലീഗ് നിയോജകമണ്ഡലം പ്രസിഡന്റ് യോഗം ഉദ്ഘാടനം ചെയ്തു. എം.എസ്.എഫ്. നിയോജകമണ്ഡലം പ്രസിഡന്റ് കെ.കെ. മുനീര്‍ അധ്യക്ഷനായി. തെരുവത്ത് നൗഷാദ്, എ.എച്ച്. സൈനുല്‍ആബ്ദീന്‍, ജാബിര്‍ തിരുവത്ര എന്നിവര്‍ പ്രസംഗിച്ചു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
താങ്കളുടെ അഭിപ്രായത്തിന് നന്ദി
താങ്കളുടെ അഭിപ്രായം അനുയോജ്യമായത് ആണെങ്കില്‍ ഉടനെ പ്രസിദ്ധീകരിക്കുന്നതാണ്.