കെ.എം അക്ബര്
മലബാറിന്റെ കവാടം എന്നറിയപ്പെടുന്ന ചാവക്കാട്. സമയം രാത്രി ഏഴുമണി. വാഹനങ്ങള് ഹോണടിച്ച് ചീറിപ്പായുന്നു. കടകളടച്ചും മറ്റു ജോലികള് കഴിഞ്ഞും വീടെത്തി കിട്ടാന് നെട്ടോട്ടമോടുന്ന ചിലര്. ഇതിനിടെ ഒരുസംഘം തിരക്കിട്ട് ഒരു പഴയ കോണ്ക്രീറ്റ് കെട്ടിടം ലക്ഷ്യം വെച്ച് വിവിധയിടങ്ങളില് നിന്നും വരുന്നുാവും. ഗസലിന്റെ സംഗീത തലങ്ങള് തേടിയാണ് ആ സംഘത്തിന്റെ യാത്ര. വര്ഷം ആറായി. ചാവക്കാട് അരിയങ്ങാടിയിലെ പഴയ കോണ്ക്രീറ്റ് കെട്ടിടത്തിനുള്ളില് നിന്നും ഗസലുകള് അലയടിച്ചുയരുകയാണ്. പഴമയുടെ പ്രൌഡിയില് ഉയര്ന്നു നില്ക്കുന്ന ആ കെട്ടിടത്തിനകത്തെത്തി ഗസലിന്റെ പെരുമഴയില് കുളിരു കോരുകയാകും ആ സംഘം.
