മുഹമ്മദ് സഗീര് പണ്ടാരത്തില്
ദോഹ: കേരളത്തില് അനന്തമായ നിക്ഷേപസാധ്യതകളാണുള്ളത്, ഇവ പരമാവധി ഉപയോഗപ്പെടുത്താന് വിദേശ ഇന്ത്യക്കാര്ക്കു സാധിക്കണം ഇതിനായി വിദ്യാഭ്യാസം, ആരോഗ്യം, ടൂറിസം എന്നീ മേഖലകളില് പ്രവാസികളുടെ സമ്പത്തും സേവനവും പ്രയോജനപ്പെടുത്തിയാല് നാടിന്റെ വികസന പ്രവര്ത്തനങ്ങള്ക്ക് ആക്കംകൂട്ടാനാകുമെന്ന് എഐസിസി ജനറല് സെക്രട്ടറി ഓസ്കര് ഫെര്ണാണ്ടസ് അഭിപ്രായപ്പെട്ടു. ഓവര്സീസ് ഇന്ത്യന് കള്ച്ചറല് കോണ്ഗ്രസ് (ഒ ഐ സി സി) ഗോബല് കോണ്ഫറന്സ് ഉദ്ഘാടനം ചെയ്യുകയായിരുന്നു അദ്ദേഹം.
കെപിസിസി പ്രസിഡന്റ് രമേശ് ചെന്നിത്തല അധ്യക്ഷത വഹിച്ചു. അടുത്ത ഗോബല് സമ്മേളനത്തോടെ ലോകത്തിലെ എല്ലാ രാജ്യങ്ങളില്നിന്നുമുള്ള പ്രതിനിധികള് പങ്കെടുക്കുമെന്നും വിദേശരാജ്യങ്ങളിലെ കോണ്ഗ്രസ് സംഘടനകളെ ഒരു കുടക്കീഴിലാക്കാന് എ ഐ സി സി തലത്തിലും ശ്രമമുണ്ടാകണമെന്നും ചെന്നിത്തല പറഞ്ഞു. നിയമസഭാകക്ഷി ഉപനേതാവ് ജി. കാര്ത്തികേയന്, പാര്ലമെന്ററി പാര്ട്ടി സെക്രട്ടറി കെ. സി. ജോസഫ്, സ്വാഗതസംഘം മുഖ്യരക്ഷാധികാരി അഡ്വ. സി. കെ. മേനോന്, ഇന്കാസ് പ്രസിഡന്റ് ജോപ്പച്ചന് തെക്കെക്കുറ്റ് എന്നിവര് പ്രസംഗിച്ചു.
എംപിമാരായ പ്രഫ. പി. ജെ. കുര്യന്, കെ. പി. ധനപാലന്, എം. കെ. രാഘവന്, പി. ടി. തോമസ്, ആന്റോ ആന്റണി, ചാള്സ് ഡയസ്, കെപിസിസി ജനറല് സെക്രട്ടറിമാരായ കെ. സി. രാജന്, ജോസഫ് വാഴയ്ക്കന്, എന്. വേണുഗോപാല് , അജയ് തറയില് ,എം. എം. ഹസന്, മാന്നാര് അബ്ദുല് ലത്തീഫ്, ജോസി സെബാസ്റ്റ്യന്, അജയ് മോഹന്, നേതാക്കളായ പത്മജ വേണുഗോപാല് , പന്തളം സുധാകരന്, ജി. ബാലചന്ദ്രന് തുടങ്ങിയവര് പങ്കെടുത്തു.
