ഗുരുവായൂര്: പടിഞ്ഞാറെ നടയിലെ റെഡിമെയ്ഡ് വസ്ത്രവ്യാപാരസ്ഥാപനമായ അണിയറയുടെ ഗോഡൌണില് തീപിടിത്തം. തിങ്കളാഴ്ച്ച രാവിലെ 9.30-ഓടെയാണ് തീപിടിത്തം ഉണ്ടായത്. തുണിക്കടയുടെ പിന്വശത്ത് റെഡിമെയ്ഡ് വസ്ത്രങ്ങള് സ്റോക്ക് ചെയ്തിരുന്ന മുറിയും, തൊട്ടടുത്ത് സിഡികള് സ്റ്റോക്ക് ചെയ്തിരുന്ന മുറിയുമാണ് കത്തിയത്. സിഡികള് മുഴുവനായും കത്തിനശിച്ചു.
ശബരിമല സീസണായതിനാല് ഭക്തിഗാന കാസറ്റുകളുടെ വന് ശേഖരമാണ് സിഡി ഗോഡൌണില് ഉണ്ടായിരുന്നത്. സീസണില് സിഡികള് സൂക്ഷിക്കുന്നതിനായി പഴഞ്ഞി സ്വദേശി വര്ഗീസ് താല്ക്കാലികമായി വാടകയ്ക്കെടുത്തതാണ് ഈ മുറി.
തൊട്ടടുത്ത മുറിയിലാണ് അണിയറയുടെ റെഡിമെയ്ഡ് വസ്ത്രങ്ങളുടെ ഗോഡൌണ്. ഈ മുറിയിലേക്ക് തീപടര്ന്ന് ഇവിടെ സൂക്ഷിച്ചിരുന്ന റെഡിമെയ്ഡ് വസ്ത്രങ്ങളും കളിപ്പാട്ടങ്ങളും കത്തിനശിച്ചിട്ടുണ്ട്. ആകെ 10 ലക്ഷം രൂപയുടെ നഷ്ടം കണക്കാക്കുന്നു.
രാവിലെ ഒമ്പരതോടെ തൊട്ടടുത്ത കടയിലെ ആളാണ് കടയുടെ പിന്നില്നിന്ന് പുക വരുന്നത് ആദ്യം കണ്ടത.് പെട്ടന്ന് തീപടരുകയായിരുന്നു.
ഗുരുവായൂര് ഫയര്ഫോഴ്സെത്തി പത്തരയോടെ തീയണച്ചു. സ്റ്റേഷന് ഓഫീസര് ലാസര്, അസി. ഓഫീസര് എന്.സി. കുട്ടന്, ഫയര്മാന്മാരായ ഷാജി, സാബു, സുരേഷ്, രഞ്ജിത്ത്, സജി പോള്, പ്രവീണ് തുടങ്ങിയവരുടെ നേതൃത്വത്തിലാണ് തീയണച്ചത്.
താമരയൂര് കല്ലായില് സുകുമാരന്റെ ഉടമസ്ഥതയിലുള്ളതാണ് തുണിക്കട. മകന് സുധീഷാണ് കട നടത്തുന്നത്. ഗുരുവായൂര് അഡീഷണല് എസ്ഐ മുരളീകൃഷ്ണദാസിന്റെ നേതൃത്വത്തില് പോലീസും സ്ഥലത്തെത്തിയിരുന്നു.
