ചാവക്കാട് നഗരസഭ വികസന സെമിനാര്
ചാവക്കാട്: ആരോഗ്യ മേഖലക്കും റോഡ് നിര്മാണത്തിനും മുന്തൂക്കം നല്കി ചാവക്കാട് നഗരസഭ വികസന സെമിനാര് കരട് പദ്ധതി അംഗീകരിച്ചു. 3.89 കോടി രൂപയുടെ പദ്ധതികള്ക്കാണ് അംഗീകാരം നല്കിയിട്ടുള്ളത്. നെല്ല്, തെങ്ങ്, പച്ചക്കറി കൃഷികള് വ്യാപിപ്പിക്കാനും കര്ഷകര്ക്ക് പമ്പ് സെറ്റുകള് വിതരണം ചെയ്യാനും പദ്ധതിയില് തുക വകയിരുത്തി. താലൂക്ക് ആശുപത്രി, ആയുര്വേദ, ഹോമിയോ ആശുപത്രികളിലെ അടിസ്ഥാന സൌകര്യങ്ങള് വര്ധിപ്പിക്കും. നഗരസഭയിലെ റോഡുകളുടെ നവീകരണത്തിനും അറ്റകുറ്റപണികള്ക്കുമായി കോടി രൂപ നീക്കിവെച്ചിട്ടുണ്ട്. നഗരസഭ ചെയര്പേഴ്സണ്ണ് എ കെ സതീരത്നം ഉദ്ഘാടനം ചെയ്തു. വൈസ് ചെയര്മാന് മാലിക്കുളം അബാസ് അധ്യക്ഷത വഹിച്ചു. കെ കെ കാര്ത്യായനി, എം ആര് രാധാകൃഷ്ണന്, കെ കെ സുധീരന്, ഫാത്തിമാ ഹനീഫ, രാജലക്ഷ്മി സംസാരിച്ചു.
